كلمونى عنك يادنيا من تانى .!

يا ساقية دورى ... عَدّى فوقى ودوسى .
كل ما أنساكى يرجعوا ولاد الأبالسه يفكرونى بيكى.
نصبوا عليَّا وشحتونى فلوسى .
ربطونى فيكى .. حتى ما أتغميت.
هما اللى فرحوا ووحدى أنا أتغميت.
أنا اللى صاحب البيت عايش بدون لازمة.
ولما مرة شكيت إدونى بالجزمة.

♦ وغصبن عني راح أسكت و هأعمل ٱيه.
♦ لو إتكلمت راح يزعل يا إمَّا شمال يا إمَّا يمين.
♦ أنا مطحون ما بين فكرك و أفكاره.
♦ أنا نفسي ألاقي اللقمة لعيالي ولو بالدين .
هى شغلانه سيبونى فى حالى أهرب منها و من مقالبها وبلاويها.
لا شفت يوم فيكى هنا.
ولا شفت يوم فيكى ترف وكل اللى فيكى قرف.

♦♦♦ أصلها بنت حلال ياما لعبت بيه كل ما أحكى معاها و أفتح لها قلبى الطيب بصفاء نيه أحكى لها على اللى جرى فيه و أصدق فى كلامى تروح ضمانى حضنانى أدوب.
فى كأس غرامها تسقينى شوقها أتعذب بيه.

♥♥♥ وتعلوا بضحكتها الصفره وتختارنى بمكرها بطل على ورق.
وتأسرنى جواها أمشى حسب هواها تأمرنى غصب عنى أمثل.؟
♦ فيها مرة فارس بلا جواد.
♦ أو حبيب مزيف لأعيش وأسهر رومانسية لياليها.
♦ شوية تخلينى كومبارس مليش لازمة كل من هب ودب يدوسوا عليه.

♥♥♥ تركانى لوحدى أبكى عليها من الظلم اللى أتجسد و أنحبس فيه بلاش.
♦♦♦ تزن على دماغى شايف الشماتة داخل عينيها أنا عارفها الله يسامحها هى زى الشبح مستحيل تمسكها ولكنها حلوة و مغرية.
♦ الغرور ماليها تسحبنا ليها وساعات مفتريه ومره مطبطبتية ياويل اللى ينسى غدرها و ينغرز فى حبها يعيش عبد مسلوب الإرادة فى غرامها من قسوتها تعمله شوخشيخة فى إيدها أو دمية تلعب بيه أو كورة تشطها برجليها خلاص كرهتك يادنيا نقضت العهد والاتفاق اللى مكتوب بينا .

♥♥♥ أمشى بسلام مالكيش فى الطيب نصيب أنتهى نفضت كل الهّم الغلب و الحزن من على هدومنا ومسحت كل الوجع كان ساكن قلوبنا أبدأ حياة جديدة و حرجع أجرى أمشى فى وسط الناس و أضحك غصب عنك فى وشوشهم من تانى .


♦ نمسك خيط الأمل فى بكرة لايهمنى منك مهما تلوي أيدينا وتشقينا نسيت أقولك إن الصحة أهم مالينا والبركة والرضا نعمه راضين بيها ودا كل ماعلينا ب التوكل على الله مكفينا أما المال مرة يروح مرة يجينا أحنا كلة بنجيبه من تعب تحويش ليالينا.

♥♥♥ صحيح يادنيا أسمك مؤنث تصريفك مؤنث وعجبى يادنيا بقيتى مثلهم حلوة جميلة مرة لئيمة خبيثة مهما نشرب منك لانشبع أبداً .
ولا تكفينا .؟

♦♦♦ وعجبى عليك يازمن مهما نتعب برضة مش راضى علينا.